About your Instructor / ඔබගේ දේශකවරයා ගැන…

චන්දීප මෙන්ඩිස්ගේ අධ්‍යාපන ගමන ආරම්භ වූයේ මොරටුව, සාන්ත සෙබස්තියන් විදුහලෙන්ය. සාමාන්‍ය පෙළ A සාමාර්ථ 9ක් ගෙන විශිෂ්ට ලෙස සමත්වී, උසස් පෙළ ගණිත අංශයෙන් හදාරා විශිෂ්ට ලෙස සමත් වූ ඔහු, ගණිත උපාධිය හැදෑරීම සඳහා කැළණිය විශ්ව විද්‍යාලයට තේරී පත් විය. ඒ අතරතුර පරිගණක ඉංජිනේරු ඩිප්ලෝමාව සම්පූර්ණ කරන ලදී.

කැළණිය විශ්ව විද්‍යාලයෙන් B.Sc. (Maths) උපාධිය ලබා ගත් පසු, වෘත්තීය ගුරුවරයෙකු වීමේ සිහිනය සැබෑ කරගැනීම සඳහා කොළඹ විශ්ව විද්‍යාලයෙන් PGDE (Postgraduate Diploma in Education) පාඨමාලාව හදාරමින් සිටී. වර්තමානයේ තමා අධ්‍යාපනය ලත් සාන්ත සෙබස්තියන් විදුහලේ සංයුක්ත ගණිත ගුරුවරයෙකු ලෙස සේවය කරන ඔහු, උසස් පෙළ සංයුක්ත ගණිතය ඉගැන්වීමේ නිරතව සිටී.

චන්දීප සඳහා ඉගැන්වීම හුදු වෘත්තියක් නොව, තම ජීවිතයේ ආශාවම වේ. බොහෝ සිසුන්ට ගණිතය අපහසු විෂයයක් වුවද, ඔහුගේ ඉගැන්වීමේ ක්‍රමවේදය වන්නේ සංකීර්ණ සංකල්ප ඉතා සරලව, ප්‍රායෝගික උදාහරණ සමඟ පැහැදිළි කිරීමයි. ඔහුගේ විශ්වාසය වන්නේ නිවැරදි මාර්ගෝපදේශනයෙන් සහ ඉගැන්වීමේ ක්‍රමයෙන් ඕනෑම සිසුවෙකුට ගණිතය තේරුම් ගත හැකි බවයි.

එම දැක්මෙන් "Chandeepa Maths" ආරම්භ කළ ඔහු, 6 ශ්‍රේණියේ සිට උසස් පෙළ සංයුක්ත ගණිතය දක්වා ගුණාත්මක අධ්‍යාපනය ලබා දීම අරමුණු කරගෙන ඇත. සෑම සිසුවෙකුටම ගණිතය #සතුටින්_ඉගෙනගන්න ආකල්පය ප්‍රචලිත කිරීම ඔහුගේ මූලික අරමුණයි. ඔහුගෙන් ඉගෙනගත් සිසුන් අද ඉංජිනේරු, ගුරු, කළමනාකරණ, බැංකු හා මූල්‍ය ක්ෂේත්‍ර වල නිරතව සිටී.